Auto a sali dilanti auto di polis cu luz y sirena y causa accidente

CURA CABAI – Un patruya di San Nicolas cu nan luz y sirena cendi diaranson anochi bayendo direccion pa Sabana Basora pa duna un man cu caso di persecucion, a haya su mes den un accidente. Un auto tipo Vitz a subi caminda dal den e auto di polis bahando di pariba cu urgencia cu consecuencia cu e isuzu di polis a perde control, slide y sigui pa bay dal den un pickup y ranca un palo di luz. Ambulancenan a presenta cu urgencia na e sitio pa brinda asistencia medico na tur hende. Mientras cu mas patruya a yega pa cera caminda y polis di trafico tabata presente pa haci nan investigacion. Elmar tambe a presenta pa e trabounan necesario riba un palo di luz.