N.O.S.:Coalicion ta parse di a perde mayoria den Eerste Kamer

DEN HAAG – Ta parse segun encuestanan di salida, cu e coalicion a perde su mayoria den Eerste Kamer. Votadornan por a deposita nan voto pa estadonan provincial y na mei, e miembronan di staten ta eligi esnan di Eerste Kamer. Segun e encuesta di salida (exitpolls) di e compania Ipsos, e partidonan VVD, D66, CDA y ChristenUnie ta baha di 38 asiento te na 31 asiento. VVD ta cay di 13 pa 12, D66 di 10 pa 7,  CDA di 12 pa 8, y ChristenUnie ta subi di 3 pa 4.  

E partido Forum voor Democratie no ta den senado, pero segun e encuesta, den un solo salida, Forum ta haya 10 asiento. Tin tambe un ganashi grandi pa Groenlinks, Partij voor de dieren, 50plus y Denk. PVV y sigur SP ta perde grandi.