(DNM) tambe ta forma parti di Milieu Samenwerkingsteam (MST)

Posted on 03/20/2019 3:22 pm AST | Updated on 03/20/2019 3:23 pm AST

ORANJESTAD - Na final di 2018, a establece un acuerdo di colaboracion entre diferente departamento di gobierno cu ta concerni cu e topico di Medio Ambiente. E team ta hiba e nomber di Milieu Samenwerkingsteam (MST). MST ta consisti di siguiente departamentonan: Korps Politie Aruba (KPA), Bureau City Inspector (BCI), Directie Volksgezondheid (DVG), Dienst Techniesche Inspectie (DTI), Serlimar y di DNM. E acuerdo entre e departamentonan ta pa conhuntamente trata e tantisimo casonan di keho cu ta drenta na tur e departamentonan menciona y relaciona cu asuntonan di Medio Ambiente.

E kehonan ta drenta via telefoon, medionan skirbi manera email, accionnan di firma etc. E departamentonan ta reuni riba e kehonan y ta: pone prioridad na esunan cu urgencia, ta asigna un di e departamentonan pa ta trekker, ta consulta/busca e leynan cu ta regarda e asunto,  y ta acerca esun cu ta haci su mes responsabel pa e hecho treci dilanti den e keho pa yega na un posibel solucion. Hopi biaha ta trata di un vecindario cu ta sufri un molester. E kehonan cu ta drenta ta porehempel: cria di bestia den bebouwde  kom, keho regardando awa di pos  riba caminda publico/tereno di hende/pa muha mata, molester di zonido, molester di autonan bieu cu ta trece sushedad  y cu ta forma criadero di insectonan/djaka cu por causa malesanan contagioso pa hende.

E kehonan di criamento di bestia den bebouwde kom ta KPA y DVG atende esaki mayoria biaha. E articulonan 20 y 30 di Algemene Politie Verordening (APV) ta bisa cu ta prohibi pa cria bestia den bebouwde kom. E ta forma, no solamente, molester pa vecindario, pero tambe por trece cune malesanan contagioso pa hende.

DVG y BCI ta atende cu kehonan regardando awa di pos di vivienda. E actonan aki ta contra di e APV, articulonan 16, 17, 23 y 27. Tin kehonan ta drenta contra companianan cu ta benta awa di pos/laundry esakinan ta wordo atendi door di DVG y DNM. DVG ta duna asistencia cu testnan unda ta necesario pa substancia/confirma e casonan.

KPA y DVG ta atende casonan di molester di zonido. E ley di Hinderlijke geluidsverordening ta trata cu e casonan aki. Den e caso aki ta acerca DTI tambe pa coopera cu midimento di zonido.

Pa asuntonan di autonan bieu riba terenonan of banda di caminda, KPA, BCI y si ta necesario Serlimar ta trata e kehonan aki. KPA ta tene su Bario Rechercheurs na altura di tur e accionnan cu nan lo tuma den bario. Semper ta purba di yega na un solucion y ta busca e cooperacion di tur envolvi. Sa sosode cu ta referi algun caso na Openbare Ministerie (O.M.) por medio di un procesverbaal. Esakinan ta casonan cu lo por culmina cu un sancion.

DNM lo sigui informa comunidad pa nan ta al tanto di e leynan cu ta regarda cuido di nos medio ambiente. 

  • Tjin Asjoe: Aruba ta mercadia como un isla pafo di faha di horcan

    Tjin Asjoe: Aruba ta mercadia como un isla pafo di faha di horcan

    ORANJESTAD – Aruba ta pafo di e faha di horcan. Asina Aruba Tourism Authority ta mercadia Aruba, segun su CEO Ronella Tjin Asjoe-Croes. Tjin Asjoe tabata invitado den e programa popular riba Facebook, NoticiaCla LIVE unda e pregunta riba seguridad den Caribe a bin dilanti. Entre e puntonan di seguridad, tin esun di tempo, unda cu Tjin Asjoe a mustra cu a aumenta e mercadeo riba medionan televisivo enfoca mas riba tempo, prome cu e temporada di horcan. 

  • Turistanan ya tin Aruba como alternativa pa Rep. Dominicana

    Turistanan ya tin Aruba como alternativa pa Rep. Dominicana

    ORANJESTAD – Turistanan Mericano a cuminsa mira Aruba como alternativa pa Republica Dominicano, cu no ta pasando den su miho momentonan. Aruba sinembargo, tin otro pensamento, y no tin pensa di actua ‘activo’ riba esaki. E siman aki a bira conoci cu di 9 turista (Mericano) a muri recientemente riba Republica Dominicana. CEO di ATA, Ronella Tjin Asjoe a bisa den e programa NoticiaCla LIVE riba Facebook di e portal, cu no ta necesario awor pa haci ‘un extra push’ pa e mercado ey. 

  • AHATA Y A.T.A. hunto cu mMinisterio di turismo ta boga pa cooperacion nacional

    AHATA Y A.T.A. hunto cu mMinisterio di turismo ta boga pa cooperacion nacional

    ORANJESTAD - Diabierna ultimo, Aruba Hotel & Tourism Association y Aruba Tourism Authority a reuni y discuti diferente topico di interes comun, y di interes nacional. A pasa entre otro den e estudio di ‘capacidad di carga’ cual A.T.A. ta finalisando. Hunta y CEO-nan di tur dos organisacion a para keto riba kico cada organisacion por haci pa asina yuda conduci nos desaroyo turistico na un manera duradero, y kico ambos organisacion por haci hunto.

  • Tatanan feliz di a ricibi premionan di Coca-Cola

    Tatanan feliz di a ricibi premionan di Coca-Cola

    (ADVERTORIAL)

  • CEO di A.T.A. ta den NoticiaCla LIVE awe nochi 9’or riba FB di NoticiaCla

    CEO di A.T.A. ta den NoticiaCla LIVE awe nochi 9’or riba FB di NoticiaCla

    ORANJESTAD – E problema di mas hotel na Aruba, con e situacion di Venezuela ta impacta Aruba, con e casonan di morto di turistanan na REpublica Dominicana ta afecta Aruba y mucho mas, ta keda trata awe nochi den e programa NoticiaCla LIVE cu invitado Ronella Tjin Asjoe-Croes cu ta CEO di A.T.A. Sui Generis. E programa ta pasa pa 9’or di anochi y ta riba e pagina di Facebook di NoticiaCla, diamars anochi 18 di juni 2019. No perde!. 

  • Aruba a participa na Conferencia di partidonan (COP15) di UNEP

    Aruba a participa na Conferencia di partidonan (COP15) di UNEP

    ORANJESTAD - Na comienso di luna di juni a tuma lugar na Honduras e conferencia di Cartagena Convention y su protocolnan tocante siguridad di nos costanan y bida marino pa e region di Caribe. Director di Directie Natuur en Milieu (DNM) Sr. Gisbert Boekhoudt a representa Aruba y a duna su aporte como tambe a intercambia idea pa loke ta trata e retonan di awendia relaciona cu e topico di bida marino. Durante e conferencia, gobierno di Honduras a organisa un Blue Economy Summit pa encurasha un tiki mas uzo sostenibel di e recursonan cu e oceano y lama ta brinda den e region por medio di innovacion y tecnologia.

  • Banco Di Caribe viajes
  • Powered by SETAR