- Preocupa cu e nivel di gobernacion, Hulanda ta ofrece Aruba y Corsou curso pa por goberna miho
- Oficina principal di DIMP ta cera awe diaranson pa mantencion
- Mas turista Colombiano ta biahando pa Corsou envez di Aruba den 2024
- Den cuadro di reposicionamento, FPNA ta cambia su nomber pa Aruba Conservation Foundation
- Aruba presente na Merca pa congreso di crimen cibernetico
‘Kill Cage’ ta wordo cera temporalmente pa renobacion y mehoracion
ORANJESTAD - Entrante dia 22 di maart te cu dia 07 di april 2019, Servicio Veterinario su localidad situa na Wayaca 128-A conoci como “Kill Cage”, lo ta cera temporalmente pa renobacion y mehoracion di su servicio. Asina e departamento ta informa den un comunicado.
Den pasado e localidad aki tawata habri pa publico 24 ora pa dia 7 dia pa siman. Esaki pa evita cu animalnan ta wordo tira over di muraya, loke den pasado a sosode. Cu e renobacion aki lo bay construi un dak pa e localidad y tambe lo bay introduci dia y orarionan stipula pa por trece of busca animal.
Esaki ta e prome stap pa trata na regula e proseso di eutanasia di animalnan no desea y tambe mehora e servicio pa cu e animalnan cu ta wordo entrega y busca. Durante e periodo di renobacion aki, nos kier pidi comunidad pa no trece ni tampoco laga atras ningun animal na e localidad of riba caya. Preferibel wanta esaki of busca ayudo serca un di e diferente Fundacionan of Organisacionan cu ta dedida na busca doñonan adoptivo pa e mascota.
Meta di e localidad aki ta pa evita cu animalnan no desea ta termina riba caya, ocacionando cu e populacion riba caya ta sigui crece. Animalnan riba caya sa ocaciona problemanan manera accidente di trafico, ta ataca deportistanan y tambe otro animalnan di cria manera cabrito. Como Departamento di Salud Publico nos ta pidi comunidad pa sterilisa boso mascota pa di e manera aki hunto nos traha na reduci e populacion di animalnan cu ta sufri riba caya.
Pa mas informacion por tuma contacto cu Servicio Veterinario di Departamento di Salud Publico na 5224200/ 5850400.
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Pastoral Hubenil Aruba cu Caminda di Luz Hubenil na misa di Dakota
ORANJESTAD - Tur luna, Pastoral Hubenil Aruba (PHA) ta organisa un evento pa su miembronan y hubentud en general. Pa luna di april, e actividad ta diabierna 26 di april proximo y PHA lo tene un Caminda di Luz Hubenil den misa di Birgen di Fatima na Dakota. Durante e Caminda di Luz of Via Lucis, nos ta recorda e aparicion y momentonan cu a pasa despues di resureccion di Hesus.
Exposicion ‘The trip of my life’ na Bibioteca Nacional di Aruba
ORANJESTAD - Dialuna atardi, dia 15 di april, di 6or pa 8or tabatin apertura di e exposicion di cuadra di Corina Coray, titula ‘The trip of my life’ na Biblioteca Nacional Aruba. A presenta un coleccion di 30 obra di Corina Coray den Sala di Exposicion y esaki ta habri henter siman durante orario regular di biblioteca.
Follow NoticiaCla
