KVK a entrega su ‘zienswijz’e riba e concepto ROP

Posted on 03/19/2019 11:40 am AST | Updated on 03/19/2019 11:41 am AST

ORANJESTAD – Diabierna merdia 15 di maart 2019 Camara di Comercio y Industria (KvK) a entrega su zienswijze riba e concepto ROP. Asina e gremio a splica den un comunicado diamars. Esaki ta un documento cu manera e proceso di formalisacion di e ROP ta prescribi, ta wordo entrega pa trece puntonan remarcabel dilanti cu mester claridad den e concepto ROP. Sr. Kawish Misier, presidente di directiva di KvK y sra. Sonja Velthuizen, directora di KvK a bay personalmente pa haci entrega oficial di esaki.

E proceso di ROP y e contribucion di comercio den esaki

KvK ta representa e pueblo empresarial di Aruba. Pa KvK e comerciante ta semper bon bini pa duna su opinion y hunto cu KvK ta delibera kico por ta e solucion. A base di informacion cu KvK tin caba di comerciante y tambe di su Whitepaper, a cuminsa formula un zienswijze riba e concepto ROP. Directiva di KvK a opina cu e ta importante pa confirma si cierto puntonan cu a inclui den e zienswijze ta resona den pueblo. Pa e motibo aki a dicidi pa organisa un Town Hall Meeting. Aunke cu e tempo ta hopi corto e directiva di KvK ta haya importante pa midi kico e comunidad comercial tin di bisa. KvK a keda hopi contento di a mira un sala completamente yen y esey ta un mensahe hopi cla cu e preocupacion ta existi riba e contenido y e comunidad ta haci uzo di e oportunidadnan cu ta presenta pa expresa nan opinion y preocupacion.

Hopi di e puntonan cu a bin dilanti ta complementa locual KvK a inclui den su zienswijze y di e forma aki ta duna mas forsa na e puntonan cu KvK ta presenta. KvK ta para tras un ROP cu ta representa comunidad completo, cada bario cu nan necesidadnan particular. Tur zone tin derecho y rekisitonan cu tin cu cumpli cune y si esaki a cambia di e ROP di 2009, e mester bay cu un splicacion y estudio profundo cu mester inclui opinion di esnan cu ta biba den cada zona en particular. E formacion di e ROP ta e prome stap y despues mester sigui cu e ROPv. Nunca e ROPv a keda cla y e preocupacion ta existi cu e ROP 2019 lo bira un ripiticion mirando cu no tin fecha stipula pa ki dia e ROPv ta keda cla.

Pueblo ta exigi splicacion riba e contenido di e concepto ROP y tambe pa haya tempo pa por haci un analisis adecua. E periodo cu a duna pa logra esaki no ta esun mas adecua. KvK ta spera cu Ministerio di Infrastructura ta mira e importancia di scucha e pueblo cu sigur no kier sali perhudica pa via di un decision no bon delibera pero cu por a ricibi e oportunidad di contribui na haya balansa den e proposicion cu e ROP ta trece cune.

Por lesa e Zienswijze di KvK riba su website medio e siguiente link: https://arubachamber.com/downloads/chamber-news/chamber-informs/1340-rop-zienswijze-kvk

 

  • Aruba Bank ta lansa su campaña di Cuenta di Studiante

    Aruba Bank ta lansa su campaña di Cuenta di Studiante

    ORANJESTAD –   Aruba Bank a lansa su campaña di Cuenta di Studiante pa tur studiante di Aruba, sea e studiante lo continua cu su estudio den exterior, of si e lo continua cu su studio na Aruba mes. E Cuenta di Studiante ta ofrece e studiante hopi beneficio, entre otro e lo ricibi su propio Aruba Bank Mastercard Debit cu Maestro pa haci compras local, internacional y tambe Online 24/7/365, tambe e studiante lo tin acceso pa haci uso di e Aruba Bank App, y hopi mas.

  • A logra evita bancarota di establecimento La Linda

    A logra evita bancarota di establecimento La Linda

    ORANJESTAD – Tin indicacion cu e establecimento La Linda a scapa un bancarota. Asina NoticiaCla a compronde di un di e abogadonan encarga Peter Mohamed. “La Linda ta finalisando un areglo cu abogado di e trahadonan”. Manera ta conoci, tabatin un situacion basta fastioso deslumbrando, unda cu tur cos tabata mustra cu esaki lo tabata e final di e compania. Pero esaki menos mal a keda regla y cu por a evita un situacion di bancarota. Pa varios luna tabatin un incertidumbre pa e trahadonan cu tin hopi pero hopi aña trahando cu e compania. Tabatin un duda si e compania ta sobrevivi e crisis cu a surgi dado momento ora cu un di e doñonan a fayece. Dado momento a logra reestablece un situacion di tal forma cu e negoshi por a cuminsa opera atrobe aunke di forma modera.   

  • Lotto cu chens pa bo gana 570 mil florin cu Mega Plus awe!

    Lotto cu chens pa bo gana 570 mil florin cu Mega Plus awe!
  • AHATA: Na Mei mayoria di hotel a experiencia un tiki menos ocupacion

    AHATA: Na Mei mayoria di hotel a experiencia un tiki menos ocupacion

    ORANJESTAD - Aruba Hotel & Tourism Association (AHATA)  a acumula e cifranan di ocupacion y prijs di hotelnan pa luna di Mei 2019 y CEO di AHATA Tisa LaSorte a anuncia cu na Mei por mira e ocupacion baha un tiki. Aruba su turismo a experiencia extra crecemento desde e horcannan di September 2017 den Caribe, y awor cu e inventario den Caribe ta habriendo bek ta di spera cu demanda pa Aruba lo normaliza poco poco. Mientrastanto tin bon demanda ainda, pa cual motibo mayoria di hotel por cobra un tarifa mas halto, aunke e balornan den luna di Mei ta mas abou cu e lunanan di high season. 

  • CAFT ta cancela biahe pa Aruba debi na cambio di LAFT

    CAFT ta cancela biahe pa Aruba debi na cambio di LAFT

    ORANJESTAD – E cambio di ley di LAFT a conoce su prome efecto, casi un siman despues cu Parlamento di Aruba a cambia e ley cu pasonan fundamental. E colegio di supervision financiero di Aruba CAFT ta mustra gobierno diaranson riba incumplimento di e protocol firma aña pasa y ta mustra cu nan prome accion ta consecuentemente pa pospone nan bishita proximo pa Aruba. 

  • Maduro: No a dicidi ainda si ta introduci sugar tax na Aruba

    Maduro: No a dicidi ainda si ta introduci sugar tax na Aruba

    ORANJESTAD – Gobierno no ta logra introduci e asina yama ‘sugar tax’ pa 1 di juli 2019. Asina minister di Finanza Xiomara Maduro a confirma pa NoticiaCla. De hecho, no ta sigur mes cu e sugar tax lo keda introduci como un di e impuestonan ‘vicioso’. Esaki pasobra simplemente no a tuma un decision final riba e asunto segun Maduro. Cu e introduccion aki, e impuesto lo mester a genera 16 miyon florin extra pa caha di gobierno. Algo cu awor no ta parse di ta algo sigur. 

  • Powered by SETAR