Oduber: Lo re-evalua structura di rotonde di beton

ORANJESTAD – E accidente tragico den fin di siman na rotonde di SuperFood, tabata un ‘eye opener’ segun minister di infrastructura Otmar Oduber a bisa diamars mainta durante reunion di Parlamento riba prespuesto di DOW. Segun Oduber, sinembargo raportanan di polis ta mustra cu no ta e rotonde tabata causa di e accidente fatal, sino barancanan prome cu e rotonde, cu a pone cu e auto a bin termina na e rotonde cu e motibo fatal. Esey sinembargo no ta kita afor segun Oduber cu ta considera e accidente como un alerta (eye opener) y a dicidi den fin di siman cu DOW cu ta bay re-evalua e structura di e rontonde pa loke ta uso di beton pa caba esaki. 

PASADO

Den pasado segun Oduber, rotondenan tabata mas chikito y tabatin menos cos pa ‘decora’ esaki. Pero e rotondenan a bira mas grandi y awor ta bira mas creative y cu uso di e.o. uso di beton. Algo cu a cuminsa na e rotonde di Marriot/Ritz Carlton, segun e mandatario. Pero mirando e resultado di e accidente, e mandatario a priminti cu ta bay re-evalua esaki.

ACCIDENTEManera ta conoci den fin di siman tabatin un accidente marduga, ora cu un chauffeur a bin termina riba e parti di beton di e rotonde menciona, cu fin fatal. Esaki tabata un discussion henter fin di siman, specialmente riba e tema di e uso di beton y cu si esaki ta e forma mas responsabel pa un rotonde ta traha di e forma aki. Hopi ta a anticipa mas accidente riba e rotonde aki (y otronan) y cu si e beton ey keda, cu esaki posiblemente lo tin mas consecuencia fatal den accidente.