ORANJESTAD – Awe mainta a tuma lugar e acto protocolario relaciona cu Dia di Himno y Bandera di Aruba. Cu presencia di varios dignatario di region, manera Gobernador di Corsou y St Maarten, e ceremonia a tuma lugar. E discursonan, ponemento di ofrenda floral y presentacion di varios acto di musica, y finalmente un defile di varios grupo uniforma, tanto professional como social. Despues a sigui actividadnan rond Aruba relaciona cu e tema. Potretnan ta cortesia di oficina di prome minister Evelyn Wever, y colega Hilario Donker.
ORANJESTAD - Na Aruba ta conoci cu 131 ta un organisacion cu banda di su propio proyectonan, ta desaroya y implementa proyectonan pa diferente organisacion Internacional aki na Aruba. Na 2023 131 a ser acerca pa Pan American Development Foundation pa desaroya un proyecto cu ta stimula empatia bao di hobenan local y migrante pa cu otro.
ORANJESTAD – Recientemente Dr. John Leo a bay sosega, y Hospital no a laga e momento aki pasa sin mas. Nan a recorda e medico cu un periodo tabata director di e hospital. Dr Leo a nace na Aruba y a establece na Hulanda na aña 1952 despues di a cuminsa HBS. Na Hulanda ela sigui scol secundario na Nijmegen y despues a dicidi di sigui su carera den medicina. Na aña 1963 dr. Leo a regresa Aruba como un dokter di cas. Algo cu nunca ela lubida ta cu den corto tempo ela atende mas di 150 parto na cas. Hasta na casnan caminda no tabatin coriente y pues mester a haci uzo di flashlight.
ORANJESTAD – Conocido productor di cine Rebecca Roos ta invitado den e programa Noticiacla LIVE awe nochi, hunto cu sra Alice van Romondt cu ta figura den e ultimo documentario produci pa Roos, I cant be MOE. Conoce mas di e mundo di cine local via Rebecca Roos. E programa ta en bibo awe nochi 9’or riba e plataformanan di Noticiacla.