Turista ta haya attack den laman y fayece

PALM BEACH - Awe dialuna 11:50 central di polis a manda patruya di strandpolitie pa Boca Catalina . E informa cu a drenta ta cu un turista mester a haya problema den lama. Na yegada di patruya por a compronde cu un homber turista lo a haya problema na unda su mes un yiu lo a yude y sake di lama y na unda e la a cuminsa cu cpr riba su tata. Ambulance a presenta pero lamentablemente no por a haci nada mas pe . 

Pa 1:10 pm dr Texier a constata morto di homber turista L.L. mc D. naci na Merca 5-5-1957. Slachtofferhulp a presenta na e sitio di e sucedido pa guia e famia den e momento dificlil aki . Cuerpo Policial ta extende palabra di condolencia na famia di e fayecido.