Merca a de-blokia sumanan pa Fase 2 di CITGO por sigui

ORANJESTAD – Autoridad Mericano a aproba pa de-blokia sumanan necesario pa e di dos fase di e refineria su upgrading por continua. Asina Prome Minister Evelyn Wever a informa diasabra mainta. “ Despues di hopi esfuerso negociando cu autoridadnan mericano, nan a otorga un “General License 7a” pa nos refineria por continua cu fase 2” Wever a cuminsa na bisa. Manera ta conoci Fase 2 a wordo para abruptamente ora sanccionnan mericano a blokia e fondonan necesario dos siman pasa y hopi empleado a wordo retira. 

DEBLOKIA

Autoridad mericano awor a aproba pa de-blokia e sumanan ey pa fase 2 por continua, y pa empleadonan por wordo tuma bek na trabou. “ Awor gobierno ta den deliberacion cu Citgo pa mira con por ehecuta e “General License 7a”. Nos no a yega ainda, pero nos ta riba e bon caminda” Wever a finalisa bisando.