Conocido piloto local deteni na Aruba

ORANJESTAD – Autoridad policial incluyendo recherche y fiscal a detene un grupo di tres persona diahuebs merdia, incluyendo e conocido piloto local E.T. E motibo di e detencion di T y e otro dos personanan ta pa ‘motibo di aviacion’, vocero di Ministerio Publico Ann Angela a confirma na NoticiaCla.Com diahuebs atardi. Mas informacion no tabata disponibel serca Ministerio Publico. Pero ta confirma cu tur tres, ta deteni pa e mesun motibo. No ta prome biaha cu T ta cay sera, ya cu den pasado e la keda detene pa un periodo considerabel caba.

E conocido piloto tabata basta popular un tempo ora cu e la opera un compania di charter popular cu tabata efectua buelonan charter entre Aruba y particularmente Venezuela. Recientemente ainda e tabata opera algun avion cu e lo a cumpra y tabata bula pa destinacionnan manera Las Piedras y otro destinacionnan venezolano.