Charity Bazaar na Cruz Cora dialuna awor y mercado di y pa mucha

ORANJESTAD−  Charity Bazaar na Cruz Cora Aruba ta habri,  dialuna awor, Dia di Himno y Bandera di 10’or di mainta pa 3’or di atardi pa recauda fondo pa e departamento di Ayudo Social di Cruz Cora. Asina por tin fondo pa sigui yuda otronan den necesidad. 

Tambe, specialmente pa e muchanan, nos tin un mercado pa e muchanan por bende nan productonan. Cruz Cora Aruba kier invita muchanan pa bin dialuna y participa na nos mercado. Nan por bende co’i hunga, buki, obra di man, cookie, wega y hopi mas y esaki ta pa nan mesun zakgeld. E mercado aki ta habri di 10’or pa 12’or riba e parkinglot paden di Cruz Cora. E mucha mester wordo acompaña pa un adulto, mester trece un paña pa pone riba vloer y di edad entre 6  y 16 aña. Pa setup esaki por yega 9.30 am.

E Charity Bazaar ta na Cruz Cora Aruba, Pedro Gallegostraat 14, Dakota.