Oduber: Estudio den enfermeria den salud mental (MGZ) ta bolbe

ORANJESTAD – E estudio den enfermeria den salud mental (MGZ) lo continua bek. Asina Minister di Salud Dangui Oduber a informacion den un comunicado. Diahuebs ultimo e anuncion official a tuma lugar.  E estudio di MGZ lo resorta bou maneho di Sociaal-Psychiatrische Dienst (SPD). Segun e mandatario, e estudio aki tabata scondi den e lachi di ex mandatarionan pa 10 aña y a perhudica nos profesionalnan di progresa. Awor Minister Dangui Oduber si lo bay ofrece e posibilidad pa haci e estudio di HBO-verpleegkundige dunando balor na nos profesionalnan den enfermeria. 

E studiantenan awor tin e oportunidad pa mehora nan mes profesionalmente, sin cu mester bandona Aruba. Esaki ta un otro paso den mehoracion di e calidad di e cuido pero tambe e seguridad di cada asegurado, cual ta un di metanan principal pa e Ministerio di Salubridad Publico.  E estudio riba su mes lo ta riba e nivel di HBO y lo tin un duracion di 2 aña. Cu e estudio aki e enfermera/o di MBO nivel 4 por por specialisa den cuido di salud mental. Esaki ta un specialisacion cu ta haci hopi falta aki na Aruba. E estudio aki lo wordo realisa na e edificio di DVG.