BCA contento cu e publicacion di Cuentanan Nacional nobo door di CBS

BCA contento cu e publicacion di Cuentanan Nacional nobo door di CBS

Posted on 03/15/2019 10:34 am AST | Updated on 03/15/2019 10:34 am AST

ORANJESTAD - Banco Central di Aruba (BCA) ta contento di tuma nota cu CBS a reanuda su publicacion oficial di e Cuentanan Nacional, despues di a publica esaki nan pa e delaster biaha na an?a 2011. Asina e instituto financiero a informa pa medio di un comunicado di prensa.  Segun BCA, Aruba atrobe ta dispone asina di informacion indispensabel riba tereno di economia di nos pais, esta e producto domestico bruto (PDB) y su composicion, calcula na e manera mas precies posibel.

Te na e momento aki, CBS a publica e PDB di e an?anan 2013 te cu 2017. Esaki ta nifica cu BCA lo reemplasa su estimacionnan publica durante y riba e an?anan aki, cual tabata basa riba informacion obtenibel e momento ey y cual tabata limita, cu cifranan di e PDB oficial di CBS. BCA lo por dedica su mes na e proyeccionnan di e PDB pa e siguiente an?anan, cuminsando cu 2018.

E diferencia di e serie 2013?2017 di PDB publica recien pa CBS cu e estimacionnan di BCA publica den pasado lo ta suheto na analisis interno mas profundo, y unda ta necesario lo tin discucion amplio cu CBS, cu e proposito tambe pa yega na mihor estimacionnan di e PDB den futuro.

  • Powered by SETAR