WILLEMSTAD - Manera a bira tradicion e ultimo añanan, e asociacion di Arubanonan biba na Corsou, Asosacion Aruba Dushi Tera lo conmemora y celebra Dia di Himno y Bandera di Aruba diadomingo awor 17 di maart 2019 di forma festivo.
E celebracion ta cuminsa 2’or di atardi na Curaçao Airport Hotel cu DJ Atley despues cu animacion di e banda ‘D Edge 509' i e invitado di honor directamente for di Aruba “Tommy Lee”. Bar i cushina lo ta bon surti cu entre otro platonan suculento Arubano manera piska cu pan batí i e famoso “saco” di e bario di San Nicolas. Entrada ta gratis i por haci uso di e pisina di hotel tambe! Dialuna 18 Maart cu ta Dia di HIMNO I BANDERA di Aruba, e santo sacrificio di misa lo tuma luga na Parokia di Steenrijk pa 7’or di anochi, hunto cu pastor Raul Mercedes. Por comunica cu e presidente di e asosacion Ingmar Kock na +5999 5202498
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.