Oduber: Gabinete anterior a duna permiso pa Embassy Suites na Aruba

ORANJESTAD – Ta e gabinete anterior (Eman II) a firma y duna luz berde pa e proyecto di Embassy Suites by Hilton. Asina Minister di Turismo Dangui Oduber a bisa NoticiaCla diaranson como reaccion riba e noticia. E ta confirma cu no ta algo nobo, sino algo di 4 aña pasa, y nan tin 2 aña den construccion caba. “Embassy Suites ta parti di e 7000 cambernan di sea condo of hotel cu nos gobierno a hereda for di gobierno anterior” Oduber a bisa mas specifico. E ta haya straño cu awor tur hende a bin cay riba dje. Pero manera NoticiaCla a raporta un dia prome, ta awor Hilton a haci e anuncio official. 

PADDESTOEL

Segun Oduber, esaki no ta e unico y ainda tin mas pa bin. “Si bo ripara bon, tur rond di e area di Eagle un gran cantidad di sea condo of hotel ta lantando manera paddestoel”. E tabatin tambe un mensahe pa e presidente di Aruba Birdlife Conservation, esta Greg Peterson y otro NGO’s riba e tema. “ Mi no tende Greg Peterson y NGO’s ta cuestiona e proyecto aki nunca y esey ta lamentabel pasobra 7000 camber a wordo duna e ultimo 8 anjanan aki y tur hende tawata keto. Awor so naturelasa ta importante?” Oduber ta puntra. “ Dicon 8 aña nada a wordo haci pa para Sevinger di bende Aruba!?”e mandatario ta puntra finalmente.