Espacio aereo di Aruba y Corsou cera pa avionan Boeing 737 -8 Max

WILLEMSTAD/ORANJESTAD – Autoridad di Aviacion Civil di Corsou (CCAA) a dicidi diamars (12 di maart 2019), den deliberacion cu Hulanda, pa loke ta trata Bonaire y Aruba, a cera e espacio aereo pa tur e avionnan tipo Boeing 737-8 Max y 737-9 Max. Esaki ta relaciona cu e accidentenan cu a tuma lugar ultimamente cu e tipo di avion aki. Consecuencia di e decision aki ta cu e companianan di aviacion cu ta usa e tipo di avion aki, lo mester usa otro tipo di avion pa por drenta nos espacio aereo. Tin diferente otro pais cu ya a tuma e mes un medida aki. E decision a drenta na vigor pa medio di un ‘NOtice To All AirMan) pa 6:30pm di anochi. Pa Aruba e por afecta varios aeroliña, entre nan Mericano. Tanto Delta como American (riba noticiaCla mes ainda) a anuncia buelonan pa winter 2018 pa 2019, pa ruta di Chicago y Minneapolis cu nan lo ta usando ekipo di B737-8. No ta conoci si mientrastanto nan a cambia e ekipo aki.