Parlamento Britanico a bolbe rechasa e deal di Brexit

LONDON – Prome Minister Theresa May su deal di salida di Brexit a wordo rechasa pa Parlamento Britanico diamars pa di dos biaha. E votamento tabata 391 contra 242 cu ta un derota menos cu esun anterior na januari ultimo. May a bisa cu awor lo tin cu vota si Inglatera ta bandona Union Europeo sin un deal dia 29 di maart proximo. Y si esaki faya, si Brexit lo wordo posponi. Diaranson si nan vota contra atrobe, den un voto pa extende articulo 50, cu ta e mechanism local pa saca Inglatera for di Union Europeo, nan lo vota atrobe diahuebs awor.