Aruba riba lista preto di Union Europeo pa motibonan fiscal

BRUSSELS   - Aruba ta un di e paisnan cu awe a wordo poni riba e lista preto di paisnan cu ta considera un ‘paraiso fiscal’, osea Tax Haven diamars. Hunto cu Aruba tin 14 otro pais cu tambe a keda añadi. Aruba tabata riba e lista shinishi, pero falta di cumplimento a pone cu a pone awor riba e lista preto. Asina ta aparece riba e portal di Union Europeo diamars. Un pais ta wordo añadi si nan ley di fiscal ta facilita evasion di impuesto. Nan ta wordo kita si nan cumpli cu reforma. Esnan cu ta riba e lista ta confronta controlan mas estricto cu Union Europeo, aunke no a impone sanccion pa Union Europeo.  E lista aki ta esun mas grandi desde cu UE a adapta e lista na 2017. Durante añanan, e commission a evalua 92 pais basa riba tres criteria, transparencia fiscal, bon gobernacion y actividad economico real. Tambe e existencia di un tasa di impuesto corporativo cero. 

KICO AWO

Union Europeo lo manda un carta pa Aruab awor, splicando e decision y kico nan por haci pa wordo kita di e lista. E commission lo sigui monitor e paisnan cu tin te fin di e aña aki of 2020, pa presenta un mehoracion y ta evalua si mester añadi mas pais. E commission lo continua un dialogo habri cu e paisnan concerni, pa prove sosten tecnico y clarificacion unda cu mester, y unda tin cu discuti asuntonan fiscal di preocupacion mutuo.