SMAC: Gruponan di carnaval a duna mandato pa SMAC sigui organisa carnaval

ORANJESTAD – E gruponan di carnaval cu a participa den carnaval 65, a sostene e fundacion SMAC y a duna nan ‘luz berde’ pa sigui. Asina a resulta den e reunion dialuna anochi. Durante e reunion, a evaloua e temporada 65 y tambe e 5 añanan di SMAC. “  Lidernan ta hopi contento y satisfecho y a duna SMAC e mandato pa sigui organisa carnaval” ta loke e comunicado di SMAC ta bisa. E presidente Shannon Henriquez hunto cu su board a  gradici pa e confiansa cu tur lidernan di grupo ta brinda SMAC y cu hopi animo trabounan ta sigui pa carnaval 66. “Tur opinion y conseho brinda na SMAC pa mehora nos celebracion di carnaval a keda nota y lo traha pa sigui engradece carnaval di Aruba” e comunicado ta finalisa bisando. Anteriormente a compronde cu Henriquez lo kier a retira, pero awor ta mustra cu e lo keda te ora cu entrega e cuenta annual pa despues eligi un presidente nobo. E mester a baha na 2018 pero riba peticion di e gruponan di carnaval, el a keda mas largo. SMAC a inclui e lista di firma di grupo cu a aproba e trabou di SMAC, y un potret.