WILLEMSTAD – Diabierna ultimo accionistanan di e compania di telecomunicacion di Corsou esta United Telecommunication Services (UTS) a dicidi pa bende 100% di accionan di e compania. Asina e matutino Extra ta raporta den su edicion di dialuna. E benta lo ta na e doño nobo Liberty Latin, unda cu lo bende e compania pa 180 miyon florin. Di e accionan y benta, 12.75 % ta bay pa St Maarten.
Awor mester traha un concepto di ley pa bay Parlamento di St Maarten pa aproba e benta. Na Corsou ta diferente unda cu solamente conseho di minister so mester duna aprobacion y un mandato na e representante di accionista pa ehecuta e benta.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
WILLEMSTAD – Juan Luis Guerra y 440, Maluma y Jennifer Hudson a keda añadi na e line up pa e proximo Curacao North Sea Jazz Festival na autustus proximo. Juan Luis Guerra ta presenta riba diabierna 30 di augustus y Maluma y Jennifer Hudson riba diasabra 31 di augustus. Fuera di e cantantenan grandi aki, tin Marc Anthony tambe y Eros Ramazoti cu ta presenta tambe durante e festival aki.
WILLEMSTAD – Mientras cu na Aruba, ta wardando kico Ministerio Publico ta bay haci cu e doño cu a maltrata su cacho Khaleesi, te cu e la muri, na Corsou, polis a detene un homber cu a tira un cacho mata. Tabata diadomingo pasa den e bario di Kanga, cu e homber aki di 31 aña a menasa un otro homber cu arma y maltrat’e y tira su cacho mata. E la bira fugitivo, pero finalmente diahuebs mainta 7’or polis a pone man riba dje na Suffisantweg. Despues a tene un entrada hudicial na su cas na Kanga. E homber ta deteni, pendiente e resultado di e investigacion.