Aruba ta preparando pa celebra otro fecha di 18 di maart

ORANJESTAD – Aruba ta preparando su mes pa su celebracion di dia di Himno & Bandera dia 18 di maart proximo. Awe mainta DOW a prepara e spiraal rotonde un biaha mas y a dorne cu e banderanan di Aruba. Asina tin varios otro lugar cu a cuminsa cu benta di artefacto pa cu e dia patriotico aki. Benta di t-shirts, bandera y mas ta tumando lugar varios caminda riba nos isla, y asina tambe ta tumando lugar eventonan na caminda pa e fecha, manera festival di canto, y otro actonan cultural. Riba e dia mes, lo tin un lista di actividad cu pueblo por bishita y cu NoticiaCla lo publica tambe pa facilita nos comunidad.