Hubert Maduro: Awe nos a siña un limitacion di nos autonomia

ORANJESTAD – Awe nos a siña un limitacion di nos autonomia. Según ex miembro di Raad van State pa Aruba, Hubert Maduro masha anja nos ta buscando kico e limitenan ta di nos autonomia. “E siman aki nos a topa cu un di e limitenan aki” Maduro a sigura NoticiaCla. E hecho cu gobierno di Reino a duna instrucción na gobernador, ta un di e limitenan. Según Maduro, gobierno di Reino ta actuando según constitucion. E hecho cu ta bisa cu gobernador mester firma ‘na e kruisje’, basicamente no ta verdad según Maduro. “Si tabata asina, tabata un cos totalmente sin necesidad."

Den un sistema constitucional cu nos mes a scucha pe, nos ta haya nos den e situacion aki. E limitacion di nos autonomia no ta solamente legal pero politico tambe. Riba e pregunta cu si Hulanda tin mas rason cu Aruba, Maduro a mustra cu e simpel hecho cu Hulanda ta mas grandi, ta pone cu nan tin mas rason semper.