Chauffeurnan di truck a blokea caminda pa protesta

ORANJESTAD – Un cantidad di chauffeurnan di truck grandi, a blokea e caminda dilanti Bestuurskantoor, protestando maneho di gobierno riba cobamento pa granite. Ta trata di e chauffeurnan di por lo menos 50 compania chikito cu ta traha trabou di contratista y ta coba den varios mina y cunucu pa haya granite. Nan kier a entrega un manifiesto pa protesta contra e hecho cu for di diabierna, gobierno a manda cera tur e lugarnan menciona, como proteccion pa naturalesa.