Yiu di tera dr Jose Sprok a lidera proyecto di hospital na Costa Rica

COSTA RICA – Diabierna ultimo a devela e estatua di San Juan de Dios na e Plaza de Próceres den e parti interior di e hospital San Juan de Dios. Loke ta haci e evento aki asina special, ta e hecho cu e  proyecto a keda lidera pa ex hefe di e departamento cardiovascular esta ex cirugano cardiovascular y yiu di tera, e Arubiano Jose Sprok. Actualmente e ta den administracion di e hospital, debi na su problema cu vision. Debi na esaki, e mester a retira como cirugano cardiovascular, pasobra e no por a opera mas debi na su problema di bista. El a profundisa su mes riba e parti di administracion di hospital y awor ta traha na un hospital priva como hefe di administracion. Como un di su ultimo proyectonan despues di su retiro na hospital San Juan de Dios, tabatin e proyecto bunita aki. E estatua ta midi 2 meter 55 di haltura y ta pisa como 318 kilo.   

CURICULO

Sprok a traha 22 aña na hospital San Juan de Dios, di cuyal 9 aña como sub hefe y ultimo 5 aña como hefe di cirugia cardiovascular. E ta bay haci 34 aña caba na Costa Rica, desde cu el a bandona Aruba pa bay studi medicinas eynan. El a haci intento pa bin traha na Aruba como director di e hospital local, pero partidonan no a haya otro pa motibonan financiero. Potretnan ta cortesia di Jose Sprok.