Rotonde na Ling & Sons a habri ‘prome cu tempo’

ORANJESTAD – Den menos tempo cu a anuncia, DOW y polis a habri e rotonde na Ling & Sons diasabra atardi. Inicialmente e trabounan mester a keda cla den 3 luna, pero ya despues di algun menos cu dos luna esaki a tuma lugar. Mester bisa si cu e rotonde ta habri, pero no ta complete ainda esta ta sin iluminacion y no ta ‘acaba’ cu otro partinan tampoco. Posiblemente a habri’e asina pa por agilisa e fluho di trafico. Pa augustus tur rotonde mester ta cla segun informacion di e compania constructor encarga, Mota Engil y DOW, e ‘opdrachtgever’. Potretnan cortesia DOW.