Bomberonan a desmantela avioneta accidenta na Calabas

ORANJESTAD – Bomberonan a traha duro diabierna pa desmantela e avioneta Piper accidenta algun siman pasa na Calabas. Manera minister di Transporte Chris Romero a bisa e siman aki, no a keda nada otro sino pa desmantela e avion pasobra no por use mas. Tur esaki a tuma lugar cu consentimento di e doñonan di e avion. Manera cu NoticiaCla a raporta anteriormente, esnan den e avion mientrastanto a bandona Aruba caba, y e investigacion di e aterisahe forsoso di e avion algun siman pasa, ta den su fase final. Falta di gasoline ta wordo mira como e causa principal pa e accidente. Potretnan ta cortesia di Brandweer Aruba.