Centenares di Venezolano cu a huy pa St Maarten, no tin risico pa wordo deporta

Centenares di Venezolano cu a huy pa St Maarten, no tin risico pa wordo deporta

Posted on 03/7/2019 11:19 am AST | Updated on 03/7/2019 11:21 am AST

PHILIPSBURG – Un total di 600 Venezolano a huy bay di Venezuela y busca nan destino na St Maarten. Nan ta kedando illegal, pero no tin miedo di keda deporta pa autoridad. Asina e partner di noticia Caribisch Netwerk ta raporta. Un grupito ta puntra gobierno si pa ayudo urgente pa legalisa nan estadia tanten cu Nicolas Maduro ta na poder na nan pais.  

Ta trata di practicamente solamente hende homber. Mayoria a drenta e isla como turista via e parti Frances. Nan a biaha cu avion desde Caracas via Panama pa Republica Dominicano, sigui pa Guadeloupe y na Pointe-à-Pitre a subi avion pa St Martin.  

Berdad cu Corsou y Aruba ta mas cerca, e buelo ta costa menos. Pero na yegada na aeropuerto bo tin e chens y risico grandi cu si bo mustra bo pasaporte Venezolano cu bo lo wordo manda bek. “Via via nos a tende cu St Maarten ta laga Venezolanonan drenta, y cu nos no tin e risico aki di wordo deteni”. 

Polis ta na altura di e aumento di Venezolano ilegal riba e isla. “E ta un asunto delicado” e vocero di polis Ricardo Henson a bisa. “Polis no a haya instruccion di minister di Husticia. Cuerpo (di polis) no tin tarea di deteccion”. El a confirma cu Venezolanonan ta drentando St Maarten via e parti Frances. “Nos tin un frontera habri. Tur hende por drenta di Saint Martin, pa Phillipsburg. 

ASILO POLITICO

Na e parti Frances, Venezolanonan por pidi asilo politico. Pero un grupo di 9 Venezolano cu a huy pa e parti Hulandes, lo no pidi esaki. “Nos no ta aki pasobra nos kier keda, of lo keda, pero pa yuda nos famianan sobrebvivi. Na Venezuela, falta tur cos”. “Dia cu Maduro bay, mi ta bolbe cerca mi famia”. 

E Venezolanonan ta biba den Phillipsburg y den besindario di Simpson Bay den container y cueba. “Circumstancia inhumano”, un persona ta bisa. “Bo ta wak e lona blauw sostene pa baranca, mi a wak un grupo di Venezolano confirma cu esey ta nan dak. Loke tin eybou, bo no por yama un cas. Ta algun muraya cubri pa e lona”. 

Door di traha ilegal, Venezolanonan ta yega na Placa, vooral dollars. Esey nan ta duna na personanan na St Maarten cu ta cambia esaki na bolivar y esaki nan ta manda pa nan famia na Venezuela. 

Fuente: Caribisch Netwerk  AutorJacqueline Hooftman Potret: Tim van Dijk 

  • Porcentahe di graduado di HAVO na Boneiro casi 30% menos cu Hulanda

    Porcentahe di graduado di HAVO na Boneiro casi 30% menos cu Hulanda

    KRALENDIJK – E porcentahe di muchanan cu a gradua pa HAVO e aña aki na Bonaire ta casi 30% menos cu na Hulanda. Asina e portal Curacao Nieuws ta raporta. Segun minister Hulandes di Enseñansa, Arie Slob, eseu no ta pa motibo di idioma Hulandes como idioma di instruccion y examen. Segun e mandatario, e calidad di enseñansa no tabata bon, y esey a wordo coregi. Tambe na VMBO y VWO menos alumno a gradua, pero eynan e diferencia cu Hulanda ta menos. Segun Slob, e diferencia grandi cu HAVO ta pasobra e escogencia di scol no ta bon. HAVO ta faborito pasobra e ora por sigui studia na Hulanda, pero no tur ora esey ta e miho scol pa e alumno. Potret  government.nl

  • Premier Wever na St Thomas riba invitacion di ex presidente Clinton

    Premier Wever na St Thomas riba invitacion di ex presidente Clinton

    ST THOMAS – Prome minister Evelyn Wever Croes a topa ex presidente y ex prome dama Bill y Hillary Clinton na e isla di St Thomas dialuna. Clinton a invite na nomber di Clinton Foundation cu ya pa algun aña ta activo den Caribe pa yuda e islanan cu wordo afecta pa calamidad, por para riba nan pia bek. Ultimo añanan, Clinton Foundation no ta concentra solamente riba e recuperacion di calamidad, pero ta enfoca den yuda e islanan den Caribe pa crea un fundeshi economico mas solido. 

  • Gezaghebber di Bonaire bou di investigacion pa algo di pasado

    Gezaghebber di Bonaire bou di investigacion pa algo di pasado

    KRALENDIJK – Gezaghebber di Bonaire Edison Rijna ta bou di investigacion di Rijksrecherche pa un caso tempo cu e no tabata den e funcion actual. Asina Gezaghebber Rijna mes a admiti den un comunicado diaranson atardi. Mes momento e ta sigura cu el a actua corecto y cu pronto su nomber ta wordo aclarea. Pero mientrastanto e no por fungi como Gezaghebber y ta bay cu vacacion te proximo aviso. 

  • D66 ta gana eleccion Parlamento Europeo na islanan BES

    D66 ta gana eleccion Parlamento Europeo na islanan BES

    KRALENDIJK – Partido politico D66 ta ganado di eleccion pa Parlamento Europeo na Boneiru, Sint Eustatius i Saba. Di e 1.827 votonan balido, D66 a sa di haña 1.119 esta 61,9%. Samira Rafaela, e kandidato cu un mama Curasoleño, a haña 959 voto di e 1,106 votonan pa e partido na Boneiru.  Asina gezaghebber Edison Rijna, presidente  di Konseho Supremo Elektoral a duna di conose. Na islanan BES, Rafaela a haña 1.001 di e 1.119 votonan cu D66 a haña.   

  • Aruba a firma tratado di douane Caribense na Cuba

    Aruba a firma tratado di douane Caribense na Cuba

    HAVANA – Diaranson Aruba tabata parti di e firmament di un tratao caribense di douana. E area Caribense pa un decennia ta un ruta di transporte di droga. Cu e paisnan cu a firma e Tratado di Douane di Caribe, nos por hunto combati traficacion di droga y fraude” asina e secretario di estado Hulandes di Finanza Menno Snel (D66) riba su twitter. Asina AD di Corsou ta raporta. E firmamento di a tratado a tuma lugar diaranson na Havana, capital di Cuba durante e di 41 conferencia annual di legislacion adouanero den Caribe. Aruba tabata representa pa minister Xiomara Maduro, y pa Corsou, minister Kenneth Gijsbertha. E islanan di Caribe Hulandes a firma esaki hunto cu 8 otro pais. Hunto nan ta firma e Caribbean Customs Organization (CCO). Fuente: Antiliaans Dagblad. Potret cortesia oficina di minister Kenneth Gijsbertha.

  • Parlamentario di St Maarten Theo Heiliger den libertad bao fiansa

    Parlamentario di St Maarten Theo Heiliger den libertad bao fiansa

    PHILIPSBURG – Parlamentario suspendi di Parlamento di St Maarten, Theodor Heyliger ta liber bou di fiansa. Laat diamars anochi el a recobra su libertad temporal di su predetencion, pagando un fiansa di 200 mil dollar, y e mester a entrega su pasaporte, e ora cu e mester biaha pa motibo medico. E tabata den hospital den weekend pa un operacion. Diamars atardi corte di apelacion a tende e caso di su detencion, y pa anochi a informa cu a dicidi di laga Heyliger liber debi na su situacion medico. Dialuna Heyliger a haci operacion di riñon, unda cu a detecta un tumor canceroso cu a wordo removi.   Heyliger a keda deteni dia 19 di februari ultimo na su cas na Guana Bay, como e sospechoso principal den e investigacion Larimar, riba corupcion. E caso ta programa pa cuminsa dialuna awor.  

  • Powered by SETAR