- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
Aparato cu Edward Cheung a diseña, a bay perdi den explosion di cohete 'Antares'
MARYLAND – E cohete (raket) 'Antares' cu mester a transporta toneladas di ekipo pa e laboratorio espacial diamars anochi, a rementa 20 seconde den pleno lansamento. Y cu e explosion aki, un obra fabrica y lidera pa e arubiano Edward Cheung, tambe a bay perdi. Cu esaki, e incidente aki ta yega ‘mas serca di cas’. No ta kita afo cu e explosion di e cohete, tabata induci pa e personal mes. E hecho ta cu un aparato cu nos arubiano a traha, awor a bay perdi. E aparato, diseña pa detecta fuga di cierto gas, tabata parti di e ekipahe pa e nave. Awor tin cu ekipa un otro cohete, cu e replica cu Cheung a traha. E la confirma na NoticiaCla.com cu enberdad tin dos, y cu nan ta prepara pa algo asina.
Cheung, despues di a biaha 3 ora pa e sitio di lansamento, tabata (hunto cu su famia), serca di loke a sosode. “E prome seconde di e lansamento a bay sin ningun incidente”Cheung a conta NoticiaCla.com. “Nos por a mira e motor di e prome fase start, y e cohete a keda lansa ariba, for di e toren di lansamento” Cheung ta sigui conta. Manera ta norma, un cantidad di huma ta sali for di e cohete. “Mi a spera di mira e cohete sali for di e huma ey. Ora cu esey no a sosode 4 seconde den e lansamento, mi a realisa cu algo tabata robes” Cheung a bisa.
Mientras cu otronan a keda sinta, Cheung a lanta para y pone su mannan riba su cabes, den estado di shock. 31 seconde despues di e explosion, e onda di e choque a alcansa e area unda cu Cheung y demas persona tabata. “Mi por a corda cu nos a tende un boom duru. E por tabata un echo di e explosion” Cheung a bisa. Mesora nan a haya instruccion pa bandona e sitio pa medio di busnan special ubica. Mes momento tabatin hopi vehiculo di emergencia cu sirena, moviendo cu velocidad halto pa e sitio.
Ta despues a bira conoci cu e explosion tabata induci pa un personal di seguridad ( Un RSO (Range Safety Officer) di e area. “No compronde mi malo. E ta entrena pa esey. Ora cu e la mira cu e cohete no kier a sigui subi, e la primi e boton di propio destruccion ( pa evita un otro problema mas grandi)” Cheung a bisa. E tabata un anochi traumatico, pero ningun hende a sali herida, cu ta e punto mas principal. “Nos a traha uno di spare, y lo ta preparando esaki pa un proximo lansamento” Cheung a finalisa bisando. Nota. Tur e potretnan ta di Edward Cheung, cu e mes a saca durante e lansamento y tambe di e aparato cu e la diseña.
Liberalnan Canades ta gana eleccion, danki na Trump
OTTAWA - Partido Liberal di prome minister Mark Carney a gana e eleccion di Canada. No ta cla ainda si e liberalnan a logra un mayoria absoluto den parlamento. Pa logra esaki e partido mester obtene 172 di e 343 asientonan. Carney a reclama e victoria di eleccion den un discurso. El a bisa cu e ta ansioso pa traha cu tur partido den Parlamento. Poco prome cu su discurso, e lider di e partido Pierre Poilievre di e Partido Conservador, principal competidor di e Liberalnan, a admiti derota.
SWI: Amnestia Internacional ta culpa Aruba di no trata solicitantenan Venezolano pa asilo corectamente
DEN HAAG - Amnestia Internacional (AI) a denuncia diamars awor cu gobierno Hulandes cu ta inclui un mayoria di e derecha radical, a propone medidanan pa restringi e posicion procedural y asistencia huridico di solicitantenan di asilo como parti di un pakete mas amplio dirigi riba enforsamento di e politica di asilo na Hulanda. Tambe el a critica e hecho cu na Aruba, parti di Reino Hulandes, solicitantenan di asilo Venezolano, incluyendo muchanan, “no tabata tin acceso na proceduranan di asilo husto y efectivo.” Asina e portal swiss info ta raporta. Riba e portal di Amnesty International mes, no ta mira e raporta aki si. E articulo riba e portal suizo, ta mas enfoca riba e situacion Hulandes, pero remarcablemente a haci mencion di Aruba tambe den e articulo aki, aunke no ta bay den detayes di e caso.
Conclave pa eligi Papa nobo ta cuminsa dia 7 di mei
VATICANO - Vaticano a dicidi cu e conclave pa eligi un Papa nobo lo cuminza dia 7 di mei proximo E fecha a worde fiha awe durante un reunion cera di cardenalnan na Vaticano.
Aruba entre e 10 miho playanan di mundo atrobe
MIAMI - Portugal, Italia, Spaña, Merka, Seychelles, Australia, Aruba i Cuba ta ‘fiha’ entre e playanan mas imprecihonante na mundo cu beyesa natural elogia y awanan cristal cla. Asina e portal travel and tour world ta raporta dialuna.
‘Papa di pueblo’ Francisco dera despues di misa di entiero na Ciudad Vaticano
CIUDAD VATICANO - Papa Francisco ta dera den e Basilica di Santa Maria Maggiore na Roma. Mas tempran den dia, e misa di entiero a wordo teni na Plaza San Pedro na Ciudad di Vaticano.
Ex-presidente di Brazil encarcela pa corupcion y labamento di placa
BRASILIA - Ex presidente Brasileño Fernando Collor de Mello a wordo deteni awe. Corte Supremo a dicta ayera cu mesora e mester cuminsa sinta su castigo di prizon pendiente pa motibo di corupcion.
Follow NoticiaCla
