- Departamento di Relacionnan Exterior ta adverti pa no biaha of nabega pa Venezuela
- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
Aparato cu Edward Cheung a diseña, a bay perdi den explosion di cohete 'Antares'
MARYLAND – E cohete (raket) 'Antares' cu mester a transporta toneladas di ekipo pa e laboratorio espacial diamars anochi, a rementa 20 seconde den pleno lansamento. Y cu e explosion aki, un obra fabrica y lidera pa e arubiano Edward Cheung, tambe a bay perdi. Cu esaki, e incidente aki ta yega ‘mas serca di cas’. No ta kita afo cu e explosion di e cohete, tabata induci pa e personal mes. E hecho ta cu un aparato cu nos arubiano a traha, awor a bay perdi. E aparato, diseña pa detecta fuga di cierto gas, tabata parti di e ekipahe pa e nave. Awor tin cu ekipa un otro cohete, cu e replica cu Cheung a traha. E la confirma na NoticiaCla.com cu enberdad tin dos, y cu nan ta prepara pa algo asina.
Cheung, despues di a biaha 3 ora pa e sitio di lansamento, tabata (hunto cu su famia), serca di loke a sosode. “E prome seconde di e lansamento a bay sin ningun incidente”Cheung a conta NoticiaCla.com. “Nos por a mira e motor di e prome fase start, y e cohete a keda lansa ariba, for di e toren di lansamento” Cheung ta sigui conta. Manera ta norma, un cantidad di huma ta sali for di e cohete. “Mi a spera di mira e cohete sali for di e huma ey. Ora cu esey no a sosode 4 seconde den e lansamento, mi a realisa cu algo tabata robes” Cheung a bisa.
Mientras cu otronan a keda sinta, Cheung a lanta para y pone su mannan riba su cabes, den estado di shock. 31 seconde despues di e explosion, e onda di e choque a alcansa e area unda cu Cheung y demas persona tabata. “Mi por a corda cu nos a tende un boom duru. E por tabata un echo di e explosion” Cheung a bisa. Mesora nan a haya instruccion pa bandona e sitio pa medio di busnan special ubica. Mes momento tabatin hopi vehiculo di emergencia cu sirena, moviendo cu velocidad halto pa e sitio.
Ta despues a bira conoci cu e explosion tabata induci pa un personal di seguridad ( Un RSO (Range Safety Officer) di e area. “No compronde mi malo. E ta entrena pa esey. Ora cu e la mira cu e cohete no kier a sigui subi, e la primi e boton di propio destruccion ( pa evita un otro problema mas grandi)” Cheung a bisa. E tabata un anochi traumatico, pero ningun hende a sali herida, cu ta e punto mas principal. “Nos a traha uno di spare, y lo ta preparando esaki pa un proximo lansamento” Cheung a finalisa bisando. Nota. Tur e potretnan ta di Edward Cheung, cu e mes a saca durante e lansamento y tambe di e aparato cu e la diseña.
Copa Airlines y Wingo tambe ta suspende vuelo pa Caracas
CARACAS - E aerolineanan panameño Copa Airlines y Wingo a suspende diaranson (03-12-2025) nan vuelo pa y for di Venezuela pa dos dia, mes manera otro ocho compania cu a cancela conexionnan cu Caracas despues di un alerta di autoridad aeronautico di Merca tocante un aumento den actividad militar den Caribe. Copa Airlines y Wingo tabata un di poco aerolinea internacional cu ainda tabata opera na capital di Venezuela, pese di e tensionnan cu ta aumenta entre Caracas y Washington.
Polis a detene sospechoso na Costa Rica cu a seduci damita for di Aruba via internet
TILARAN – Na Costa Rica autoridad di Interpol del Organismo de Investigación Judicial (OIJ) a tene un entrada hudicial na un cas na Tilarán, Guanacaste, unda cu nan a detene un adolescente di 16 aña cu a purba seduci un menor di edad di Aruba di apenas 11 aña, via internet. E caso ta andando for di augustus pasa caba. Segun e hefe local di polis, e victima ta un damita di Aruba, y ta e mama a haci e denuncia na autoridadnan di Aruba. E homber tabata solicita foto y video cu contenido sexual, y e sujeto tambe tabata haci mescos. E investigacion a realisa cu e prome contacto tabata via un wega di video online, unda cu e hoben homber a logra confiansa di e damita. E la haya e telefon di e damita y via whatsapp tabata solicita e potretnan etc. E hoben na Costa rica a keda deteni y ordena detencion pa e Fiscalia Penal Juvenil.
Netflix ta cumpra gran parti di Warner Bros. pa 82,7 biyon dollar
NEW YORK - Netflix, e plataforma di streaming, ta cumpra e studio di pelicula y television Warner Bros. pa 82,7 biyon dollar (70 biyon euro). Esaki ta nifica cu Netflix tambe ta bira doño di e plataforma di streaming HBO Max. Riba HBO Max tin hopi serie di exito manera Game of Thrones, The White Lotus y Succession. Warner Bros. ta bisa cu clientenan di Netflix lo haya acceso na titulo di HBO despues di e transaccion. Aun no ta cla si esaki ta nifica cu e dos plataforma lo ta combini den un solo compania. Si e compra keda aproba, esaki lo ta un di e desaroyonan mas grandi den mercado di serie y pelicula online durante e ultimo aña. E trato ainda mester haya aprobacion di autoridadnan di regulacion den Merca. Netflix ta spera cu lo tuma entre un aña te un aña y mei pa e compra ta completamente finaliza.
Iran ta presente den loteria di WK na Washington, apesar di boycot anteriormente anuncia
WASHINGTON - Tin un delegacion di Federacion di Futbol di Iran cu lo ta presente mañan na loteria pa WK 2026 na Washington. Esaki a wordo confirma pa ministro di deporte di e pais asiatico, Ahmad Donjamali, despues cu hefe di seleccion Amir Ghalenoei a ricibi su visa finalmente.
Presidente Trump ta reuni na Cas Blanco dialuna atardi riba situacion Venezuela
WASHINGTON -Presidente Trump ta reuni na Cas Blanco dialuna atardi riba situacion Venezuela . Miembro importante di gabinete di Trump y team di seguridad nacional, incluyendo Secretario di Defensa Pete Hegseth, Chairman di Joint Chiefs of Staff General Dan Caine y Secretario di Estado Marco Rubio ta spera pa ta presente, igual cu jefe di staff di Cas Blanco Susie Wiles y sub-jefe di staff Stephen Miller.
Rey Willem-Alexander a yega Surinam pa prome estado bishita den 47 aña
AMSTERDAM - 47 aña. Tanto tempo a pasa desde cu un hefe di estado Hulandes a bishita Suriname. Willem-Alexander ta sigui e curso di su wela, reina Juliana. Den 1978, tres aña despues di independencia di Surnam, tabata e ultimo monarca reinante riba tera Surnam. E pareha real lo keda tres dia na Surnam.
Follow NoticiaCla
