Varios radio rond mundo prohibiendo cancionan di Michael Jackson como protesta riba documentario

LOS ANGELES – Toca e cancionan di e rey di pop Michael Jackson of no? Esey ta e dilemma cu tin actualmente riba tereno mundial, despues di critica cu tin riba un documentario Leaving Neverland cu ta mustra riba posibel abuso di mucha, door di Jackson. Den e documentario, dos homber grandi ta presenta nan testimonio di con Jackson a abusa di nan ora cu nan tabata mucha. Awor tin un situacion mundial cu ta pone radioemisoranan cu e pregunta si nan mester sigui toca e musica di Jackson, of protesta y prohibi e toca pa protesta e actonan di Jackson. Na Inglatera, Canada y Hulanda, tin varios emisora ya a cuminsa prohibi pa toca cancionan di Jackson. Tin e mesun dilemma cu e otro artista di musica R. Kelly, cu ta sospechoso di abuso di mucha. Aunke e impacto di dje ta mas chikito, e ta keda un dilemma tambe. Fuera di e cancionan, tin paisnan cu ta prohibiendo e documentario di wordo pasa. Hulanda mientras cu tin un of dos emisora cu a prohibi e cancionan, lo debuta e documentario diabierna awor.