Investigacion Danes ta mustra cu vacuna no ta causa autismo

COPENHAGUE – Scientificonan Danes a mustra basa riba un investigacion grandi cu vacuna contra entre otro sarampion y cacheton no ta crea autism cerca mucha. Den e estudio, muchanan Danes cu a haya vacuna, a wordo compara cu esnan cu no a haya vacuna. Ta trata di un cantidad di casi 660.000 mucha cu entre 1999 y 2010 a keda controla. E conclusion ta cu no tin un risico mas halto riba autismo pa mucha cu na edad hoben ta keda vacuna. Ya na 2002 a yega na e conclusion ey despues di a sigui 537.000 mucha. Pero a sigui critica pasobra no a observa muchanan cu tabata sensitive pa haya autismo despues di un vacuna. Motibo di e investigacion ta cu pa hopi aña rond mundo ta papia  di un posibel coneccion entre vacuna y autismo. Tabata un medico Britanico Andrew Wakefield cu na 1998 hunto cu 12 otro colega a skibi un documento unda cu tabata sigura cu vacuna por a causa autismo. Mientras cu e declaracion aki a keda demonstra como fraudulento, asina mes mayornan a keda skeptico. Na Hulanda, cada aña mas y mas mayornan ta abstene nan yiu di vacuna.