E pakico no a detene Juan Guaido na su regreso na Venezuela

CARACAS – E presidente interino di Venezuela Juan Guaidó no a keda deteni ora cu el a bolbe Caracas dialuna, simplemente pasobra no tin orden di aresto contra dje. “Como tal e por bolbe su pais di unda y con e kier” tabata e comentario cu NoticiaCla a haya riba e pregunta, con bin no a detene ora cu el a yega dialuna. Mas aleu, a mustra cu detencionan na Venezuela ta tuma lugar ‘solamente ora cu tin un orden hudicial contra e persona pa a comete un delito cometi e momento ey. A sigura NoticiaCla cu no ta asina cu no a detene Guaido pasobra Merca lo a menasa di actua si mishi cu ne. “Absolutamente cu no”, tabata e contesta cu e portal aki a ricibi. Otronan ta duda den esaki y ta bisa cu ta miedo presidente Maduro tin pa actua. 

VIOLACION DI DELITO

Mientras cu Guaido no tin orden di aresto contra dje, e tin un medida di prohibicion di salida di e pais, cu el a viola. Esey por ta un delito contra administracion di Maduro pa cual e por wordo deteni. Pero, pa haci esaki, mester tin un investigacion pa Ministerio Publico pa determina esaki finalmente. Y e investigacion aki ta tumando lugar awor.  Ademas, Guaido ta goza di inmunidad parlamentario y aunke tin delitonan cometi, esaki mester keda determina pa TSJ.