Merca cu restriccion di visa pa esnan cu a stroba ayudo humanitario di drenta Venezuela

WASHINGTON – Merca a impone restriccion nobo di visa pa cierto individuo di Venezuela, ‘responsabel pa a mina e democracia di Venezuela”. Asina e enviado Mericano pa asuntonan di Venezuela, Elliott Harris a declara diabierna mainta. “Nos ta aplicando e restriction aki pa multiple oficialnan aliña cu (presidente Nicolas) Maduro, y nan famia” Harris a bisa. E sostenedornan di Maduro y nan famia cu viola derecho humano segun Harris, y horta di e pueblo Venezolano y mina democracia, no ta bon bini na Merca, Harris a sigura tur hende. “E famianan ta disfruta di un bida eleva, riba custodia di libertad y prosperidad di e miyones di Venezolano. Mercal lo sigui tuma accion apropia contra Maduro”. 

CONSECUENCIA DI STROBA AYUDO HUMANITARIO

Esnan responsabel pa a stroba e entrada di ayudo humanitario drenta Venezuela siman pasa diasabra, tambe a keda afecta segun Harris. Ta trata di 6 persona di rango halto militar di seguridad cu a keda sanciona tambe. Nombernan cu a cay ta pa e.o. Richard Jesus Lopez hefe di guardia Nacional, Jesus Maria Matiya, Alberto Milquiyano Bermudez, Jose Velardo Rondono, Jose Miguel Dominguez, Cristiano Velardo Morales. Tur ta personanan cu tin funcion halto, y cu segun Harris, a stroba sea e ayudo di drenta, y of a causa violencia na esnan cu a trata di transporta e mercancia menciona. NOTA: Potret ta un screen shot di e conferencia di Harris, via C-Span na Merca.