Wever: Cantidad di trahado cu a bay cas na CITGO Aruba ta bastante

ORANJESTAD – Mientras cu no por bisa cu exactitud y no tabatin cifras specifico, minister encarga cu energia a confirma diahuebs mainta cu e cantidad di trahado cu a bay cas na CITGO Aruba ta bastante. Y esaki no ta solamente esnan temporal, esta contratista, sino tambe esnan fiho. A haci mencion cu e cantidad ta casi reduci na mitar, y e ta preocupante. A sigui bisa tambe cu ta keto bay purbando di logra haya e placa pa e fase 2, cu ta pega na Merca. No a logra esaki ainda y tanten cu esaki no logra, e fase 2 di e rehabilitacion di e refineria den un upgrader, ta ‘on hold’