Informacion relaciona cu desfile riba Dia di Himno y Bandera 2019

ORANJESTAD -  Pa medio di esaki Comision Celebracion Dianan Nacional (CCDN) kier a participa cu e aña aki pa locual ta trata e desfile pa dia 18 di maart 2019 cu ta tuma luga dilanti di Plaza G.F.Betico Croes, nos kier a informa cu e aña aki nos enfoke lo ta pa duna participacion na gruponan uniforma cu metanan comunitario: manera schouting, gruponan gubernamental uniforma, gruponan di deporte uniforma, gruponan di baile den trahe folklore, pa asina dunando un reconocimento special na nos gruponan uniforma cu ta traha na bienestar y desaroyo di hobennan den nos comunidad. 

E aña aki no ta posibel participacion di gruponan cu tin animal y vehiculonan di motor, mirando cu esaki ta un marcha uniforma. 

Pa ricibi e formulario di inscripcion of mas informacion por tuma contacto cu 528-5023 / 528-5027 / 528-5025 of manda un mensahe na e e-mail adres: defile.ccdn@gmail.com.