Bikker: Sumamente satisfecho cu trabou di Alto Comisario Hoo

ORANJESTAD – Minister di Husticia Andin Bikker ta contento cu e trabou cu e hefe maximo di polis Andrew Hoo a desplega durante e 11 lunanan cu a pasa. Asina e mandatario a sigura NoticiaCla. “Mi ta sumamente satisfecho cu ne” Bikker a contesta NoticiaCla. Mes momento e mandario a desmenti informacion cu Hoo lo ta bandonando Aruba proximamente pa cual e no por participa den e seleccion di solicitud pa definitivamente bira e hefe maximo di polis. 

HOO

Segun Bikker bou di mando di Hoo,   y ministerio publico hunto cu cuerpo policial conforme maneho a logra baha e crimenan di impacto halto. “Nos a restaura seguridad y trankilidad pa nos pueblo y bishitantenan” Bikker bisa. 

SOLICITUD 

Segun e mandatario el a actua segun palabracion, for di momento cu aña pasa el a bin prensa pa papia riba e tema, y tambe a bay conseho di minister cu proposicion di Hoo, unda cu a nombre pa periodo di un aña, cu posibilidad pa extencion. Siman pasa KPA a inicia e proceso di solicitud pa un hefe maximo di polis nobo, y kier pa esaki ta cla dentro di un luna.