Bapor di guera den waf no ta pa situacion na Venezuela

ORANJESTAD - E bapor di guera Britanico RFA Mounts Bay mara den nos waf, no tin nada di haber cu e situacion na Venezuela. Asina Aruba Ports Authority a confirma pa NoticiaCla dialuna merdia. Por lo menos esey por a deduci di e contesta duna na NoticiaCla pasobra nan no a haci mencion di Venezuela “ E ta un barco cu a schedule su bishita adelanta pa ta den nos waf e dianan aki y tin repairs y algun survey pa haci” APA a contesta e portal aki. E ta keda Aruba te 1 di maart proximo. Gobierno di otro banda si, a haci mencion di Venezuela, ora cu riba nan pagina di Facebook nan a pone un mensahe similar cu APA pero a añadi e parti di Venezuela. Informacion cu e portal aki tin ta cu enberdad nan ta den region pa entrenamiento rutinario. Esey sinembargo no ta kita afo cu e ta keda un bista interesante net e dianan aki, estando na Aruba.