Venezolanonan na Aruba colectando producto pa Venezuela

ORANJESTAD – Un grupo di voluntario Venezolano na Aruba diabierna a cuminsa un colecta pa producto humanitario pa manda pa Venezuela. E grupo aki ta operando desde awe for di Paseo Herencia, for di 8’or di mainta te cu 7’or di anochi. E intencion ta pa unabez keda cla e fin di siman aki, manda tur cos pa Corsou pa Venex Curacao, cu lo manda esaki pa Venezuela. 

KICO MESTER

Loke nan mester, ta e.o. remedi, productonan cu no ta daña manera pasta, aroz, hariña, lechi, cuminda pa baby, pampes, y productonan di bleki. 

SITUACION

Manera ta conoci, Corsou ta un hub pa ayudo humanitario, y ta colectando productonan pa for di Corsou, manda pa Venezuela. Aruba di otro banda, no ta un hub, y no tin nada oficial tumando lugar pa loke ta e ayudo aki. Pero prome minister Evelyn Wever a bisa cu esaki no ta stroba instancianan priva, ciudadanonan pa colecta material y manda pa Venezuela. E siman aki sinembargo, Venezuela a cera e frontera cu islanan ABC, cu ta dificulta e trabou di manda cos pa e pais bisiña. Na Corsou tambe productonan a cuminsa yega for di Venezuela,