CAFT/CFT a conoce cambio repentino internamente

WILLEMSTAD/ORANJESTAD – Den e colegio di supervision financiero CFT/CAFT tin cambio repentino a tuma lugar. Den un documento cu NoticiaCla a pone su man ariba, a bira conoci cu e secretario di e tres colegionan Manus Twisk a wordo obliga di bay cu vacacion paga, y cu e secretario interino Robert Ruiter ta asumi e funcion. Fuentenan cerca di e situacion a mustra cu no ta probable cu Twisk lo bolbe. Posibel diferencia di maneho y of forma di traha di Twisk lo a bira un problema pa cual a surgi e cambio repentino. Manera ta conoci, durante e bishita recien di CAFT na Aruba, gobierno di Aruba a atende e colegio riba cosnan cu lo no tabata bayendo bon internamente, manera sacamento di informacion prome cu tempo. No ta conoci si esaki ta algo cu por a conduci na e cambio repentino den CAFT/CFT y cu ta a base di e puntonan aki, cu CAFT/CFT a haci e cambio. Informacion cu e portal aki tin, ta mustra cu Twisk lo no bolbe mas, y lo mas probablemente keda retira di su funcion.