Knops: A priminti Aruba y Corsou ayudo awe pa situacion Venezuela

DEN HAAG – Gobierno di Reino Hulandes ta tratando pa logra un excepcion cu gobierno di Venezuela pa pasaheronan pega na tanto islanan ABC y Venezuela respectivamente, por bolbe nan pais por lo menos. Asina secretario di estado Hulandes Raymond Knops a contesta Parlamento Hulandes awe diabierna pa medio di un carta. Ademas el a priminti Aruba y Corsou asistencia diabierna pa cu e situacion di asilo politico y migracion for di Venezuela. “E apoyo lo wordo trata den bon consulta cu autoriidadnan di Aruba y Corsou riba termino corto” Knops ta bisa. 

PETICION DI MINISTER

Pa loke ta e reaccion riba peticion di minister di husticia di Aruba Andin Bikker di dia 20 di februari ultimo, Knops a bisa tambe cu secretario di Estado Hulandes pa Husticia a priminti diabierna cu e lo duna e sosten pidi. Ta trata aki di ayudo temporal pa e departamento di Dimas, mas specifico entrenamiento y educacion pa por optimalisa e procedura di asilo y e sosten ora cu ta trata peticion pa asoli. Aki tambe e detayes di e sosten y cooperacion lo keda trata cu autoridadnan di Aruba y Corsou.    

CIERRE FRONTERA

Pa loke ta e cierre di frontera entre Venezuela y islanan ABC, Knops a informa Parlamento Hulandes riba e caso aki, y a bisa mesora tambe cu “Reino (Hulandes:red) ta lamenta e decision unilateral di gobierno di Maduro. Lesa e carta completo AKI.