Den caso Ibis, 5 sospechoso so a haya absolucion completo

ORANJESTAD – Den e prome parti di sentencia di e caso Ibis (caso di corupcion envolviendo ex minister Paul Croes) un total di 5 sospechoso den caso Ibis so a haya absolucion completo, 9 a haya castigo di multa di 5 mil florin, dos a haya castigo di prison y 3 (incluyendo casa di e ex mandatario, a haya castigo di trabou comunitario. Huez a suspende e caso despues pa dicta sentencia contra e ex mandatario. 

SENTENCIANAN

Esnan cu a haya absolucion ta T. Chan, R. Martinus, N. Nuñez, R. Di Vecchia y M. Arango. Pa loke ta e castigo di multa, mayoria un multa di 5 mil florin, tabata M. Vernais, J. Wever, R. Dalmeijer, F. Bareño, L. Ochoa, C. Liang, H. Chang, F. Latoracca y J. Vasquez. Esnan cu a haya un castigo di trabou comunitario, ta T. Siem Mong (160), A. Vazquez (240), S, Arends (180) y casa di ex minister Croes, M. Paesch (120). Pa loke ta castigo di prison, huez a manda dos hende prison, esta F. Schwengle y J Filiciana (ambos 16 luna di prison), mientras cu tanto R. Aparicio y E. Capriles a haya sentencia di prison, (Capriles 146 dia, Aparicio 180 dia), pero mirando e pre aresto, huez a splica cu nan no tin cu bay prison. Keda pendiente pa e motivacion di e sentencianan. Nota: potret ta di archivo di algun di e sospechosonan.