Tourguide cu a fayece na Conchi a keda identifica

SHETE – E tourguide cu a fayece diahuebs merdia, a keda identifica como Jay Rasmijn (27). E version official di polis segun vocero suplente Liliana Rasmijn ta cu pa awe diamars pa 12:30 di merdia alarm central ta notifica central di polis di un caso cu un persona lo mester a haya problema  den lama na Conchi.  Polis a yega na e sitio hunto cu personal di Arikok. E lugar di e sucedido ta jama Moro. Por a compronde di e turistanan na e sitio cu ta trata di un tourguide cu a haya problema den awa. Personal di brandweer a presenta mirando e situacion y asina purba juda pa sake. 

Polis conhuntamente cu Brandweer a logra despues di hopi rato pa saca e curpa sin bida .  Ambulance no por a haci nada mirando con hopi e persona a keda den awa . 

Pa 2:45 pm dr Texier a constata morto di J.J.R naci na Aruba dia 8 oktobet 1991.  Slachtofferhulp a presenta pa asina guia e famia den e momento dificil aki di e fayecido. E turistanan tambe lo haya judansa di slachtofferhulp mirando cu nan a keda den shock pa loke a pasa. 

Cuerpo Policial Aruba ta manda palabra di condolencia na famia di e fayecido.