Minister Steven Martina a entrega su retiro na Corsou

WILLEMSTAD – Minister Steven Martina a anuncia su retiro como minister di Economia na Corsou. Esaki a sosode diahuebs atardi, basa riba un investigacion cu ta andando riba su persona door di Ministerio Publico di Corsou. Segun e mandatario, su consenshi ta limpi y e ta laga nan haci nan trabou. OM a cuminsa un investigacion penal riba actonan cu e lo a haci, cu lo no ta corecto cu su funcion como minister. Particularmente cu e mester a distancia su mes di accionan di su trabou anterior na Fatum, pa por a bira minister. El a sigura cu el a haci esey, pero cu tabatin un asunto tecnico cu e lo no tabata na altura di dje, cu pa cual, awor e ta wordo investiga. Pero pa e por haci esaki, e mester retira y duna espacio pa e investigacion tuma lugar. For di momento di e investigacion, Martina a bira un sospechoso den e caso di investigacion aki. Segun Martina, Ministerio Publico pues lo haci tur investigacion pa determina si loke el a haci ilegal of no. Minister Kenneth Gijsbertha lo reemplaza Martina temporalmente. Martina a keda di entrega su retiro oficialmente na  Gobernador Lucille George Wout despues di e conferencia di prensa. Potret cortesia Telecuracao.