Un tourguide hoben a fayece den laman na altura di Conchi

SHETE – Un guia di turista local a fayece diahuebs merdia na altura di Conchi. E melding official tabata pa 12:30 cu un curpa di un persona ta drief den laman. Hunto cu Park Rangernan, a yuda polis den e awa,  pa saca e curpa sin bida di e tourguide. Informacionan no confirma ta bisa cu e persona lo tabata para riba baranca y laman a tire na awa cu e consecuencia fatal. Pero otro informacion ta bisa cu el a bay landa cu e turistanan cu e tabata guia, pero cu pa un motibo of otro, el a hoga. Vocero di polis Liliana Rasmijn no por a duna informacion ainda di e identidad di e hoben, aunke a bisa si cu ta trata di un homber hoben local (Arubiano) di 27 aña di edad. Keda pendiente pa mas informacion.