Frontera entre Venezuela y islanan ABC cera indefini

FALCON/ ORANJESTAD - Frontera entre Venezuela y islanan ABC ta keda cera pa un tempo indefini. Asina Vice presidente ehecutivo Delcy Rodriguez a anuncia un rato pasa. Mientrastanto lo revisa e relacion diplomatico cu e gobiernonan. No a haci distincion entre frontera maritimo y aereo. 

REUTERS A BISA OTRO

Mientrastanto un rato pasa e agencia Reuters a anuncia cu e frontera maritimo entre Venezuela y islanan ABC ta habri atrobe. Asina un fuente militar Venezolano conoci cu e proceso a declara. Ademas e agencia Reuters ta cita General Miguel Morales. “No tin ningun restriccion di operacion di carga, di waf, pesca industrial” ta loke Vice admiral di e waf di Falcon, ReuGoncalvez a declara. Reuters ta bay mas leu y ta indica cu e frontera aereo tambe ta habri atrobe. No tin motibo duna pa e cambio aki.