Falta di gasoline por ta causa cu avioneta a cay na Calabas

ORANJESTAD – E avioneta piper cu un matricula Mericano cu a cay na Calabas diamars anochi, mas probable a keda sin gasoline. Comandante di bombero Edward de Cuba a declara na 24ora cu no a haya ningun rastro di gasoline, ni leak na e avioneta cu ta indica cu mas probable gasoline a caba cu a pone cu e avion a cay. Fuera di e nanishi di e avioneta, e ‘curpa’ di e avioneta tabata basta intacto. Polis mes a logra saca e dos personanan a bordo, cu despues a sali riba propio forza y yega na e ambulance na e sitio. Mirando cu no tabatin gasoline mas, e avioneta no a pega candela ora cu el a cay riba tera den e mondi na Calabas. E personanan abordo (ambos masculino y mas sigur un capitan y un pasahero) tabata di habla spaño, aunke uno tabata por a domina ingles. Informacion no confirma ta indica cu por detene e personanan aki pa e suseso, aunke cu investigacion lo determina despues kico exacto a sosode cu e avioneta a cay. Potret di avioneta cortesia: Marko A.J. Espinoza di 24ora.com