Romero: Venezuela a cera solamente frontera maritimo!

ORANJESTAD – Venezuela a cera solamente frontera maritimo cu islanan ABC. Asina oficina di Minister di Transporte Chris Romero a informa oficialmente un rato pasa. “ Namens Minister Romero mi por comunica  cu te awor ta e frontera maritimo so ta cera” e comunicado a bisa. “ Minister President y Minister Romero ta monitoreando e situacion conhuntamente cu Hulanda y lo duna un update oficial asina cu ta posibel” e comunicado a finalisa bisando. E ta reacciona asina riba un informacion cu gobierno di Venezuela a cera e frontera entre Venezuela y islanan ABC. E informe tabata bisa cu ta cera e parti maritimo y aereo, manera inicialmente raporta pa e medio di e estado Falcon, esta NotiFalcon. Fuentenan di NoticiaCla na Venezuela ta mustra cu parse cu no a haya orden ainda pa cera e frontera aereo tambe. Como tal e informacionan ta keda confuso.