Prensa Venezolano ta raporta cierre di frontera cu islanan ABC

FALCON – Medionan Venezolano ta raportando cu Venezuela a bolbe cera frontera cu islanan ABC diamars. Den e caso aki, NotiFalcon ta cita e comandante di zona operativo di defensa integral Vladimir Quintero, cu lo a ordena pa ‘cera comunicacion aereo y maritime cu islanan ABC, y ta presume cu ta pa e anuncio di gobierno di Corsou pa bira e centro logistico pa ayudo humanitario. E medida ta aplica pa waf y aeropeurto di e region falconiana, cu ta nifica suspension di tur boto y avion entre e islanan y Venezuela. 

DI DOS BIAHA

Ta haci mencion cu ta di dos biaha cu a cera e intercambio commercial cu e islanan ABC, despues cu na januari 2018 esaki a sosode caba riba orden di Nicolas Maduro. 

REACCION ARUBA

E portal aki no a haya reaccion official ainda, ni di consulado ni di gobierno di Aruba riba e tema aki.