Sindicatonan den dos diferente accion diamars na Corsou

WILLEMSTAD – Diamars lo tin dos diferente accion na Corsou di sindicato. E prome ta un grupo di sindicato cu ta protesta pa posibel falta di pago di indexering, despues cu gobierno a informa cu pa e situacion financiero fastioso, lo no por cumpli cu ne. E otro ta un grupo di sindicato cu ta protesta e hecho cu gobierno di Corsou a ofrece e isla como hub humanitario pa Venezuela. E prome accion (reunion bou ora di trabou), ta tuma lugar pa 7’or pa e asunto di indexering, mientras cu e otro grupo di sindicato ta reuni na Parlamento pa 9’or di mainta pa atende e reunion Parlamentario riba e tema di hub humanitario. Sindicatonan ta basicamente anunciando un paro general diamars. Sindicatonan di maestro y di polis tambe ta forma parti di e accion aki.