Parlamentarionan Europeo a keda prohibi pa drenta Venezuela

CARACAS – Gobierno Venezolano a prohibit entrada na un grupo di 4 parlamentario Europeo y a ordena nan pa bolbe riba e mesun avion. Parlamentario Hulandes Esther de Lange (CDA) a traha un raportahe riba su cuenta twitter di e desaroyo. Segun de Lange, nan a haya invitacion di Parlamento di Venezuela. “Pero nos a tende di un representante di gobierno cu nos ta wordo poni bek riba e prome buelo pa Madrid”.  No obstante e hecho cu nan tabatin pasaporte diplomatico, nan entrada no a keda honra. E grupo ta bek na Europa, y ta bisa cu no ta descarta cu esaki lo tin consecuencia. “Nos no a bin provoca. Nos a bin wak con e situacion medico di e pueblo ta”. Fuente Parlamentario de Lange y N.O.S. Wak e declaracion di De Lange AKI. 

REACCION VENEZUELA

For di fuentenan gubernamental di gobierno Venezolano, NoticiaCla a compronde cu ta ‘via canalnan dipolomatico, autoridad di gobierno Bolivariano di Venezuela a notifica hopi dia prome na e grupo di Eurodiputados, cu tabata pretende di bishita e pais cu finnan conspirativos, cu nan lo no wordo permiti entrada, y a pidi nan pa desisti y evita asina un otro provocacion’.