RDA: Fase 2 di  Upgrader Citgo Aruba poni on hold

RDA: Fase 2 di Upgrader Citgo Aruba poni on hold

Posted on 02/17/2019 12:13 pm AST | Updated on 02/17/2019 12:16 pm AST

ORANJESTAD - E Proyecto di Upgrader Fase 2 di Citgo Aruba ta poni on hold a consecuencia di e sancionan di Merca contra PDVSA anuncia 28 di Januari ultimo. Asina presidente di Refineria di Aruba (RdA) su presidente Alvin Koolman a informa diadomingo pa medio di un comunicado. Segun e comunicado, bou di e sancionan aki, companianan Mericano (manera CITGO, Valero, Chevron etc) por sigui cumpra crudo venezolano, pero e pagonan mester wordo poni den un “blocked account” cu ta preveni aceso na e regimen Maduro. Citgo su refinerianan na Merca por sigui opera, pero nan ingreso mester wordo deposita den un “escrow account” na Merca. Mas aleu, OFAC ta considera e Proyecto di Upgrader na Citgo Aruba uno cu ta pa beneficio di PDVSA y cu trabounan pa e Proyecto aki no por continua y mester stop ariba 27 di Februari pa 12.01 AM. E consecuencia ta cu tur trahadornan asigna na Fase 2 ta bai cas. Esaki a keda participa na RdA y Gobierno di Aruba (GoA) e siman aki. Sinembargo, operacion di Citgo Aruba ta keda mientras GoA y RdA ta hasiendo tur lo necesario pa evita cu e proyecto di Upgrader wordo poni on hold. 

SANCION A KEDA E PESO

E periodo for di 2016 te na e momentonan aki, pa loke ta e processo pa reapertura di e Refineria bou regimen di Maduro tabata y ta dificil. Pa motibo di e diferente sancionan existente ariba e regimen di Maduro y personanan concerni. Apesar cu a studia diferente posibilidadnan pa logra haya financiamento. Hopi a wordo evalua y hasi pero semper e sancionan a keda e peso pa haya financiamento pa e start-up di e proyecto pa e Refineria. Aunke cu e proyecto enberdad ta hopi atractivo, e geo-politica den e regimen Maduro ta hasi cu e ta casi imposibel pa por haya un instituto finaciero pa por hasi e proyecto aki factibel. 

KITA REFINERIA DI CITGO

Di otro banda tin voznan ta sugeri pa kita e Refineria for di Citgo, y opera e Refineria nos mes. Si acaso hasi esaki, lo causa un “incumplimento di contract”, y al fin al cabo lo bo mester di Venezuela toch pa su crudo extra pisa pa por opera como Upgrader ya su como refneria e “business case” no ta atractivo. Sinembargo, tabata ser considera 2 opcion, cu ta 1. Bai cu un otro petrolera y 2. Si berdaderamente bin un cambio den Gobierno di Venezuela. Si bin un cambio den gobierno di Venezuela, a wordo anuncia caba cu e sancionan lo wordo lanta y no tin duda cu e Proyecto Citgo Aruba lo haya e prioridad pa ser ehecuta. Tene na cuenta cu ya mas di 50 paisnan, incluyendo Merca y Hulanda, a reconoce e Presidente interino Guaido.

CONSECUENCIA DI SANCION

Kiko e sancionan nobo a causa cu e operacion di Aruba? Te prome cu e sancionan nobo aki a bin na vigor, Citgo Aruba su operacion ta wordo financia door di e benta di productonan petrolera di Citgo cu mester paga PDVSA pa e crudo procesa. Mensualmente, PDVSA ta autoriza Citgo Petroleum  pa paga PDV-Holding cierto suma pa varios entidadnan incluyendo pa Citgo Aruba Holding por cubri gastonan di operacion di su tres filialnan na Aruba. Cu e sancionan nobo esaki no por mas. Citgo Petroleum mester deposita tur e suma pa e crudo procesa di PDVSA den un blocked account. Pa Citgo Aruba Holding haya e placa necesario pa su operacion, OFAC mester wordo convensi cu PDVSA no wordo beneficia y asina otorga un licensia pa Citgo Aruba. 

HOLDING

Mester recorda cu PDV-Holding ta un compania di Delaware cu ta donjo di Citgo Petroleum Holding. Citgo Petroleum Holding ta e donjo di Citgo Petroleum Refinery y tur e bienes di Citgo Petroleum Company. Citgo Aruba Holding ta resorta bou di PDV- Holding, cu tambe ta un compania americano, unda Citgo Aruba Holding ta donjo di Citgo Aruba Refinery, Citgo Aruba Marine y Citgo Aruba Terminal. E companianan aki ta lease e  facilidadnan for di Refineria di Aruba N.V. (RdA). 

PROYECTO 

Finalmente, Koolman a enfatisa un biaha mas cu e Proyecto di Citgo Aruba como Upgrader di crudo extra pisa di Venezuela ta uno di sumo importancia pa Venezuela como pa Aruba. “ No tin duda cu e Proyecto aki lo sigui, pero pa awor nos ta den un fase unda geo-politica ta causa un paro di e Proyecto aki temporalmente. RdA, GoA y Citgo Aruba ta den discussion constante cu varios instancianan internacional pa sigura cu Citgo Aruba haya e fondonan necesario pa sigui cu e Proyecto di Upgrader y asina reactiva Fase 2. Nos tur ta trahando cu determinacion pa realiza e Proyecto tan importante aki pa ambos pais” e comunicado di Koolman ta finalisa bisando.

 

 

  • Gomes: Hopi confusion y critica riba grondbelasting

    Gomes: Hopi confusion y critica riba grondbelasting

    ORANJESTAD – Tabatin un avalancha di critica y confusion desplega e ultimo dianan riba grondbelasting, cu a pone cu Departamento di Impuesto DIMP mester a tene un conferencia di prensa urgente diahuebs mainta pa trece mas claridad. Segun director di DIMP Luenne Gomes Pieters, ta trata mas bien di esnan cu a haya of ta kere cu nan a haya un aumento di grondbelasting. Ta pensa cu e splicacion no tabata porta mucho cla, y como tal a haci e intento pa clarifica tur cos. 

  • ATA: Cayman Islands ta considera Aruba un role model pa turismo

    ATA: Cayman Islands ta considera Aruba un role model pa turismo

    ORANJESTAD– Cayman Islands ta considera Aruba un role model pa turismo. Asina un delegacion di ehecutivo di turismo di Cayman Islands a bisa durante nan bishita na Aruba e siman aki. Asina oficina di turismo ta bisa den un comunicado. Tabata e siman aki pues cu Aruba a yama bonbini na un delegacion di ehecutivonan relata cu turismo procedente di Cayman Islands. Anualmente e delegacion ta scoge un isla den region Caribense of otro destino, pafo di nan propio destinacion, pa reuni riba diferente aspecto turistico importante. Tambe nan ta reuni cu socionan local di e isla / pais pa asina enfoca riba temanan di interes y intercambia di pensamento.

  • Wever: Cobransa di grondbelasting ta inclui cambio di reforma

    Wever: Cobransa di grondbelasting ta inclui cambio di reforma

    ORANJESTAD – Como parti di e reforma fiscal introduci parcialmente na comienso di aña aki, un total di 12 mil persona e luna aki lo no mester paga ‘grondbelasting’. Prome minister Evelyn Wever Croes a recorda tur riba e cambionan cu a cuminsa y cu e luna aki un biaha mas ta bira bisto. Segun Wever, e luna aki cobransa pa asina yama ‘grondbelasting’ ta sali, y aki por mira cambio. Fuera di cu 12 mil hende no ta bay paga grondbelasting mas, tin 16 mil cu ta bay paga menos, y ta un grupo relativamente chikito di 5 mil, ta bay paga poco mas. Pero nan tambe lo haya compensacion. 

  • Banco Central di Aruba a revela e placa di papel nobo

    Banco Central di Aruba a revela e placa di papel nobo

    ORANJESTAD – Despues di un proceso cu a dura 7 aña, Banco Central di aruba (BCA) durante un evento special diabierna mainta, a revela e  placa di papel nobo pa 2019. Tur e denominacionan ta cambia, incluyendo esun popular, esta e dori (100 florin) cu awor ta bira un imagen di un yuwana. E tabata un proceso largo, rigoroso, pero cu na final ora cu el a keda revela, a keda gusta pa tur esnan presente. Sigur pa e diseño hopi colorido, lagando casi nada di espacio blanco, y tambe e hecho cu a usa un artista local tambe a keda gusta. Loke no a keda gusta despues, ta e hecho cu ta usando e idioma di Hulandes, envez di Papiamento. Esnan cu ta envolvi cu e idioma, tabata lihe pa critica e aspecto aki riba rednan social. 

  • Moratorio riba supermercado nobo extendi cu dos aña

    Moratorio riba supermercado nobo extendi cu dos aña

    ORANJESTAD – E moratorio existente riba supermercado ta termina dia 23 di mei 2019 proximo y awor ta wordo prolonga te cu 23 di mei 2021. Esaki ta nifica cu pa e proximo dos añanan lo no duna permiso pa establece supermercado y/of minimarket nobo na Aruba. Manera Noticiacla a raporta caba, na fin di januari e aña aki Minister Xiomara a anuncia cu Gobierno a extende e moratorio riba establecimento di supermercado (incluyendo minimarket) cu dos aña.  

  • “Chill & Grill” specialmente pa dia di Tata

    “Chill & Grill” specialmente pa dia di Tata
  • Powered by SETAR